Մարդու իրավունքների պաշտպան Արման Թաթոյանը հետաքրքիր ու բովանդակալից քննարկում է ունեցել Հայ-ռուսական (սլավոնական) համալսարանի ուսանողների հետ։
Նրանք ծանոթացել են Պաշտպանի լիազորություններին, աշխատանքի հիմնական սկզբունքներին և ուղղություններին, խոսել միջազգային համագործակցությունից:
Արման Թաթոյանը ուսանողներին է ներկայացրել վերջին ժամանակներս ձևավորված նոր պրակտիկան. Մարդու իրավունքների եվրոպական դատարանում երրորդ կողմ հանդես գալը, ԵԽ Նախարարների կոմիտե ՄԻԵԴ վճիռների կատարման հարցերով հատուկ դիրքորոշումների ներկայացնելը և այլն:
Քննարկվել են հարցեր կապված հաշմանդամություն ունեցող անձանց իրավունքների հետ, ինչպես նաև հավաքների, խոսքի ազատության, սոցիալական ցանցերում ատելության խոսքի:
Ապագա իրավաբաններն ու միջազգայնագետները մարդու իրավունքների պաշտպանությանը վերաբերող տարբեր հարցեր են ուղղել Պաշտպանին, լսել Մարդու իրավունքների պաշտպանի դիրքորոշումները մի շարք խնդիրների վերաբերյալ։