ՀՀ մարդու իրավունքների պաշտպան Արման Թաթոյանն այսօր ընդունել է Եվրոպայի խորհրդի խորհրդարանական վեհաժողովի մոնիթորինգի հանձնաժողովի պատվիրակությանը։
Պատվիրակության կազմում են եղել ԵԽԽՎ քարտուղարության անդամ Բաս Կլայնը, ԵԽԽՎ անդամներ Ալան Միլը և Ջուզեպպե Գալատին, ինչպես նաև Հայաստանում ԵԽ գրասենյակի ղեկավար Նատալյա Վուտովան:
Արման Թաթոյանը ներկայացրել է «Մարդու իրավունքների պաշտպանի մասին» սահմանադրական օրենքով Պաշտպանին վերապահված նոր գործառույթներն ու աշխատակազմի առջև դրված խնդիրները, ինչպես նաև համագործակցությունը քաղաքացիական հասարակության հետ:
Հանդիպմանը անդրադարձել են նաև Հայաստանում խոշտանգումների կանխարգելման ոլորտում իրականացվող քայլերին, նոր Սահմանադրության կիրարկման հետ կապված հարցերին և այլն։
Քննարկվել է Մարդու իրավունքների պաշտպանի աշխատակազմի մարդու իրավունքների հետազոտական և կրթական կենտրոնի շրջանակում վերապատրաստման դասընթացներին առնչվող ծրագրերը: